məslək

is. <ər.>

1. Hər hansı bir dünyagörüşünə əsaslanan əqidə, məfkurə, amal. Məsləkim, şüarım ucadan uca; Mən getdim, yoldaşlar, gəlin arxamca! A. Ş..

2. Etiqad, məzhəb, inam. <Şeyx Sənan:> Kimsiniz? Məsləkü təriqətiniz; Nə imiş? Söyləyin, rica edəriz. H. C.. Məslək(imiz) haqqı – andiçmə məqamında işlədilir. <Musanın nəvəsi> artıq hər dəfə and içəndə daha «məsləkim haqqı» deməyirdi. Qant.. <Yarməmməd:> Məsləkimiz haqqı, mən şəxsi tənqidi sevirəm. M. İ.. // köhn. Hər bir şəxsin özü üçün seçmiş olduğu yol, xəttihərəkət, istiqamət.

3. İstək, arzu, dilək mənasında. Könlümdə gül, çiçək açdı; Bir məsləkim, min diləyim. S. Rüst..